蚊蚊豬老火鍋 (已結業)

呢間火鍋店性價比超高，人頭二百幾蚊，除咗打邊爐有雞煲、烤魚，任選幾款湯底打邊爐外，仲可以免費升級： 古法羊腩煲、藥膳水庫大魚頭、胡椒豬肚雞三選一。我地首先揀左羊腩煲，等緊羊腩煲時，店員會先送上一份刺身拼盤同 一碟牛肉拼盤🥩▷ 刺身拼盤 有鮑片、墨魚、甜蝦、三文魚、魷魚、馬刀貝、北寄貝。每樣都好新鮮、好鮮甜無雪味、好高質👍🏽▷ 牛肉拼盤🥩 有極上牛肩嫩肉、牛板腱、牛舌心、封門柳、牛柳粒。其中手切安格斯、封門柳、牛板腱都可以無限任叫😛 我自己最鍾意食極上牛肩嫩肉同封門柳，佢地嘅肉質比較腍，而且油脂分布均勻，好香牛味。牛板腱肉質就比較韌，而牛舌心係爽口嘅，好好味😋▷ 古法羊腩煲大大煲嘅羊腩煲，有好多塊羊肉，羊肉肉質都唔會韌而且好入味，仲有炸枝竹、馬蹄同冬菇👍🏽 呢個天氣食，食完暖粒粒！食完個羊腩煲其實都有少少飽啦，但佢仲可以轉第2個湯底打邊爐，我地揀左自選鴛鴦鍋～招牌牛油紅湯鍋(+$40) & 粟米豬軟骨鍋。▷ 🌶️招牌牛油紅湯鍋 & 🌽粟米豬軟骨鍋前者我地叫左小辣，不過都愈食愈辣，好過癮。後者湯底比較鹹，用黎烚蔬菜同菇，味道就剛剛好，而且粟米好甜。仲有多款小食、麻辣湯、火鍋配料、飲品任叫，真