影片
更多
2020-05-30
1193 浏览
味道系唔错，食咗一打蚝、鹅肝、羊架同Apple crumble. 加一杯Lavina Macabeo-Garnacha. 先讲杯酒，系一杯acidity较高嘅酒，如果配上生蚝，个人觉得麻麻地因为掩盖左生蚝嘅金属味。今次试晒佢9款蚝，个人就比较钟意食Scottish Rock 同埋Gillardeau, Scottish rock系非常肥美，如果系想食有口感嘅生蚝一定系首选，但系好似我咁对金属味情有独钟嘅就不得不食Gillardeau，做咗少少功课Gillardeau系属于一只爱尔兰嘅生蚝品牌，佢声称𠮶边嘅水系比较干净，唔知道系咪因为咁所以好食啲呢，呢一只生蚝食落口似食左个一蚊银仔，食完之后齿颊留香。Fridge嘅鹅肝做得非常之出色，算系我喺香港食过数一数二嘅鹅肝，非常之香但好油腻，每一啖都会有油流岀黎滴落个多士度，惹味十分。至于羊架方面呢，我觉得佢唔系我钟意𠮶嘅羊膻味，有少少过分熟，属于浅啡色嘅肉质带有少少太硬，如果生少少会更好。最后就系个Apple crumble, 个人觉得佢几有特色，送过嚟嘅时候佢一个盖盖着，打开原来系一个烟熏Apple crumble, 打开有一阵香烟味，但系视
最后啦我想讲一讲个环境，门口有霓虹灯，都几认得，因为刚刚系la vache!上面，通常一大班鬼佬喺门口，Fridge属于一间小店，环境唔算特别宽敞，有一排酒作为装饰，另一面呢系有个人特色嘅画，中间有一啲屏风格住，隔离有三位讲英文嘅阿叔，似系斯文败类，嘈喧巴闭，安安静静食餐饭都吾得嘅。
价钱上就少贵啦，$1000一个人差唔多，食唔食自行判断。
张贴