四季芬芳

营业中

休息中

同老公去沙田新城市广场行吓，顺道去朋友介绍嘅四季芬芳食饭，话有年轻文化创意新派粤菜，我哋一向喜欢试新嘢，今晚就尝试吓！餐厅是中环蛇羹老字号蛇王芬开的副线餐厅，装潢系加入新元素的中国设计，又是一个打咭好地方。蟹粉虾仁：新鲜虾仁配上时令蟹粉，虾仁爽口，蟹粉滑溜，味道鲜上加鲜。花雕醉鸡：鸡味浓郁，酒香完全浸透嫩滑的鸡肉，好够味！原味小笼包：外皮厚薄适中能承托包内汤汁，馅料肉味香浓，包外还插有一枝有醋的胶管，只要用手按下，就可以将醋打入包内，非常方便，而且加埋少许醋食，味道更提升，有创意！流心蛋海南鸡扒煲仔拌面：鸡扒嫩滑，另外有流心蛋、葱花、木鱼碎和肉碎用面捞埋食，有多重口感，而酱汁调得好惹味，面亦弹牙。古法肉骨茶汤面：呢度嘅肉骨茶唔似传统嘅带有浓烈药材味道，而系有阵阵胡椒嘅香气，佢啲排骨同配料都好入味，汤嘅味道亦系极为浓郁。面亦弹牙。蛇王芬生炒糯米饭：糯米饭口感软硬适中，加入切左细粒嘅自家制腊肠和鲜鸭润肠，味道香浓甘香，最后洒上葱花同花生增添口感和香味。飞雪小白兔：用椰汁布甸造成小白兔形状，既可爱又甜美。