蛇王海 (已結業)

今日睇睇下电视节目讲开蛇，突然间好想食蛇羹，但通常食蛇既铺头都系开系啲旧区多，新发展既市镇好少会有，不过好彩马鞍山有一间「蛇王海」系到，所以就梗系即刻飞奔去啦，去到果时大约夜晚九点几好彩未收铺，如果唔系摸门钉。餐厅面积唔算大只有一张枱比顾客堂食，而且餐牌选择亦唔多得几款拣，不过都唔系重点，最梗要系足料好食就已经够 ; 叫咗太史五蛇羹套餐 ($103)。细蛇汁糯米饭 : 虽然系叫细碗，但份量真系好多，糯米饭干身又够香，而且又烟韧。👍🏻 👍🏻太史五蛇羹 (大) : 有木耳、鸡肉、蛇肉等等劲多料，而且蛇肉大条厚身，食到最后重有料系碗底添 😍 味道不错，虽然劲多料但系一啲都唔杰。👍🏻 👍🏻