大三元 (已結業)

每次做完运动，都见到呢一间餐厅坐满晒人。餐厅主要都系类似茶餐厅咁，但系佢入面嘅装修同埋菜单都好多元化。首先我就食咗佢哋嘅招牌海南鸡，海南鸡味道比较淡，但系佢嘅鸡肉同埋鸡皮都超滑身。而且下面亦都有比唔同嘅蔬菜，一个人食半只鸡完全冇难度！然后我同朋友两个人你都食咗份蛋牛治，三文治嘅选择可以拣单拼或者双拼。餐厅其实都有唔同款式嘅三文治或者包类选择，睇得出佢哋都有用心思去设计菜单。三文治嘅包好厚好软熟，以佢嘅滑蛋真系一流，味道亦都唔会好咸。之后我哋仲好为食咁嗌多咗个鸡翼，鸡翼炸得比较脆口，鸡肉亦都嫩滑，再加埋一杯柠檬利宾纳成餐饭食得好满足！