聰嫂私房甜品 (已結業)

本身同朋友晏昼行紧街，但系因为天气太热想揾个地方坐下，知道附近有间聪嫂就入去食，当系下午茶...之前都想试铜锣湾聪嫂，但一直都大排长龙，一直都知道佢嘅蜜瓜椰果冰系好出名，今次一试，果然名不虚传！首先佢上边嘅椰果同蜜瓜份量好多，蜜瓜够甜，椰果就够弹牙，而下边嘅沙冰唔似得出边嘅糖水舖净系得椰汁味，佢反而有好香嘅牛奶味，分量又大，食完真系成个人都透心凉！