大丸ラーメン

营业中

休息中

今日中午，同朋友一齐嚟食。11:35嚟到已经排了一条人龙。幸好第二转就可以入去食。我叫咗个虾汤底、粗面，追加面。舖头地方唔大，坐位不多。（所以一定要早啲嚟排队）汤底好浓，好有虾味。本人喜欢食浓味，所以忍唔到一啖面，一啖汤。所以虾汤底系极之推介。如果即系follow佢哋嘅社交平台，仲送一份葱/木耳/海苔。点知…食到差唔多食完嘅时候，我追加嘅面先出现。由于我在单上，选择追加面时，已同时选择同时上（佢可以选择后上）。所以一直以为，碗里嘅份量已系追加嘅份量。当我差唔多食完时，追加面才到。我望住碗嘅汤已经得返好少。我问职员可否加少少汤俾我。但职员话，加汤要再收钱，我话，我mark咗系同时上个面，唔系后上，我以为个面已经喺埋里面，所以我近乎饮晒汤（好明显系佢哋搞错咗）最后佢都唔肯加咗少少汤，咁唯有干干的食咗个充满碱水味嘅面。除咗呢part后加面系失望嘅，因为我离开店时，口里只有碱水味。食物质素系高嘅。值得再嚟食。