陳師傅點心專門店 (已搬遷) 新店位置

以点心专门店嚟讲，陈师傅嘅水准算系几高，当中以鱼子烧卖皇同精制虾饺皇最好食，我谂呢两款都系镇店之宝，所以每笼只系得两粒，方便单身或一 pair 嘅客人 order。呢度嘅烧卖同虾饺都好大粒好饱满，尤其系后者，啖啖虾肉好鲜味，饺皮薄得嚟又唔易烂，高汁👍。另外，推介嘅脆皮银丝肠同香脆芋丝饼都唔错，前者类似而家好流行嘅春风得意肠，外软内脆，口感同味道都几独特，后者煎得香脆，大大块好足料，芋头爱好者应该觉得好满足。最后，百花酿鱼肚正常水准，山竹牛肉球则有少少失望，虽然味道都正常，但系肉质比较腍，有少少发水嘅感觉。