成發潮州菜館

营业中

休息中

一般星期五六日都唔敢去打搞呢间店，基于舖面得一层冇阁仔，就得地下𠮶五六张4人枱，郁吓就爆。系见今日平日加前后唔系咩假期，透过门口见难得7点都仲有一张4人枱剩。一般潮州打冷侍应都粗气似行走浆糊历尽风浪造型，呢间啲侍应反而成个文职样，阴声细气又细心。嚟得打冷定必整碟鹅乜鹅物。拣咗碟三拼：鹅片、鹅肠、墨鱼。颇失望，鹅片真系唔够卤水味，鹅肉味亦偏淡，鹅肠好少少，用咗瘦鹅肠，反正本身都冇咩味容易索汁，吸收完啲唔够味卤水叫做刚好。墙壁上嘅「沙嗲牛肉炒河（加蛋兜乱）」，吃感反而似瑞士汁炒，同照片还原度极高，系其中有条菜心发黄都照揼落去炒有啲煞风景。好耐之前都有讲过街市已好难揾到笋壳鱼嘅踪影，而且系本人对母亲之回忆（n年前佢间中就钟意买条返家姜葱豉油蒸而令到对蒸鱼耍手嘅我居然趋之若鹜），所以一见到有中菜馆有，哪怕系油浸油炸，都会自动盲目去点。今铺笋壳系炸到炸鱼皮嘅脆度，连鱼唇、下巴都可咬碎。笋壳鱼本身味淡，胜在肉细嫩，细皮白肉、小巧，唔会差得过洋人嘅炸鱼。N年前会胆粗粗喺路边大排档拆蛳蚶食，多数都系煮水烫过几十秒。依家类似韩式生腌实属首次。网上搜过，整法似乎属于「醉蛳蚶」，侍应递完蛳蚶同一个红色钳就立