奈良上釜 (已結業)

之前行过登龙街，见到有间食釜饭既餐厅，谂起早两年系奈良食过好多人排队既志津香釜饭，就揾日book位黎试下呢间奈良上釜～依家做紧蟹盛，见好多人都有叫，所以都试下另外叫左个荞麦面。佢个杯都几靓～一开始就黎左个冻蟹脚，本身已经剪开左一边，可以好易括哂成旧肉出黎，好鲜甜跟住再黎就系天妇罗蟹脚，薄脆既天妇罗衣包住淡淡肉既蟹脚，口感畀上一个更好食完前菜，首先黎既系我叫既虾天妇罗荞麦面，个天妇罗同蟹脚一样，炸得不错。个汁有粒生鹌鹑蛋，捞埋啲面更加滑同加左啲蛋香。跟住黎既就系男友叫既蟹盛主菜，有饭、汤、茶碗蒸、渍物同生果，真系好盛。一开～吓亲，得个盖既？！再揭开个盖～哗　使唔使咁多蟹膏同蟹肉...捞哂真系每啖都系食到蟹肉的...我男友用返奈良食既食法，食左啲就盖返住去整饭焦！但个饭焦就无志津香咁好味啦，啲焦仲有少少炉味咁茶碗蒸close up~今次系蟹钳～个蛋都蒸得几滑～食完我地觉得暂时都唔想食蟹住...