影片
更多
2022-11-24
42 浏览
秋天最啱食蟹～成日食大闸蟹又腻咗啲，于是就嚟呢度试试蟹omakase😆🔸蟹 ᴄʀᴀʙ ᴏᴍᴀᴋᴀsᴇ $1388✨ 先付け蒸熟后拆肉嘅毛蟹肉肉质鲜甜，加埋味道清新嘅柚子啫喱，夹埋紫苏叶一齐食层次更丰富～✨前菜由新鲜嘅白海老同海胆组成，加咗少量明太子提鲜，最顶层嘅海葡萄同紫苏叶花瓣作味道、口感上嘅点缀✨吸い物热辣辣嘅昆布汤加入咗莲藕粉同松叶蟹肉，清清哋更加食到食材嘅鲜味～汤入面除咗有少少柚皮丝令味道更清新有层次之外，仲有一块山叶，味道较浓，建议最后先连汤食✨お造り▫️带子▫️平政▫️炙烧金目鲷▫️姜葱池鱼▫️牡丹虾✨扬げ物蟹盖酿咗松叶蟹同大闸蟹肉，以及洋葱、冬菇、甘笋等配料，再以面包糠炸过，香口惹味，味道唔错，不过蟹肉嘅鲜味略为被其他食材盖过咗🙈✨箸休め食咗咁多嘢食，有杯清新酸酸甜甜嘅柚子雪葩清清味蕾～✨焼き物用日本禾秆草烧嘅鳕场蟹，有少量海胆用作提鲜～店员提议先试净食鳕场蟹，试试原汁原味先，再夹埋海胆一齐食～入口略带烟薰味，但呢种用禾秆草烧出嚟嘅烟薰味唔太香，唔太啱我自己口味，而且烧完蟹肉比较干身，唔热唔冻咁，唔太欣赏😟 ✨食事成个餐最邪恶绝对系呢个！将加热咗嘅大闸蟹膏加入蟹芡拌乌冬，再因应个人
🔸蟹 ᴄʀᴀʙ ᴏᴍᴀᴋᴀsᴇ $1388
✨ 先付け
蒸熟后拆肉嘅毛蟹肉肉质鲜甜，加埋味道清新嘅柚子啫喱，夹埋紫苏叶一齐食层次更丰富～
✨前菜
由新鲜嘅白海老同海胆组成，加咗少量明太子提鲜，最顶层嘅海葡萄同紫苏叶花瓣作味道、口感上嘅点缀
✨吸い物
热辣辣嘅昆布汤加入咗莲藕粉同松叶蟹肉，清清哋更加食到食材嘅鲜味～汤入面除咗有少少柚皮丝令味道更清新有层次之外，仲有一块山叶，味道较浓，建议最后先连汤食
✨お造り
▫️带子
▫️平政
▫️炙烧金目鲷
▫️姜葱池鱼
▫️牡丹虾
✨扬げ物
蟹盖酿咗松叶蟹同大闸蟹肉，以及洋葱、冬菇、甘笋等配料，再以面包糠炸过，香口惹味，味道唔错，不过蟹肉嘅鲜味略为被其他食材盖过咗🙈
✨箸休め
食咗咁多嘢食，有杯清新酸酸甜甜嘅柚子雪葩清清味蕾～
✨焼き物
用日本禾秆草烧嘅鳕场蟹，有少量海胆用作提鲜～店员提议先试净食鳕场蟹，试试原汁原味先，再夹埋海胆一齐食～入口略带烟薰味，但呢种用禾秆草烧出嚟嘅烟薰味唔太香，唔太啱我自己口味，而且烧完蟹肉比较干身，唔热唔冻咁，唔太欣赏😟
✨食事
成个餐最邪恶绝对系呢个！将加热咗嘅大闸蟹膏加入蟹芡拌乌冬，再因应个人口味加入黑醋～好味好浓郁😆 个人嚟讲就比较钟意酸啲嘅醋，中和返蟹膏嘅腻～
✨甘味
无花果拿破仑蛋糕😍 焗得酥脆嘅牛油酥皮，夹住自家制无花果酱、淡忌廉、椰子雪糕，味道出奇地夹，而且入口比预期中清爽，唔会过甜过腻！好好食😍😍
餐厅环境舒适，装修行日系简约风格，餐具同摆设好有心思，呼应返餐厅嘅名「山」～
店员每上一道菜都会仔细讲解，服务态度都唔错～
食物方面，卖相非常精致，好啱打卡！味道唔错，系有某一两道菜稍稍失望但唔算差嘅，不过份量就比较少，男士有机会唔够饱🫢
整体嚟讲！呢个价钱嚟讲会expect再高质少少🙊 但用餐体验都非常唔错嘅，都值得一试～
张贴
