影片
更多
2012-09-18
149 浏览
7月1日, 为庆祝回归, 我地当然都要衬住呢个假期食番一餐好嘅~ 我地今日嚟到沙田, 系因为要去睇个毕加索展, 所以朝早可以食个饭先~ 咁啱之前买嘅团购卷又可以用, 哗完全系好配合嘅一日~ 11点半我地就嚟到, 原来都有唔少人食呢个团购自助餐, 安排好入座后我地就攞野食~::: 生蚝海鲜类 :::今日呢个自助餐其中一个卖点就系即开新鲜生蚝~ 所以一开始就二话不说去攞生蚝先, 食客众多, 每人每次只限攞三只, 刚好有三款唔同生蚝, 就每款先要一只试味~ 虽然都有名字提供, 但系都唔太知道边只打边只, 食落口有一只味道好creamy好鲜甜, 就系相中最左𠮶只, 其他二只虽然味道只属普通, 但都好新鲜~ 话佢地鲜味同弹牙感十足都不为过, 只系佢地都要求每只生蚝即开后都要干净, 起势咁用水冲走里面嘅壳同沙, 以致海水味唔够丰富. 因为平时其他地方d生蚝都只系开定放喺冰上面, 食2-3只就顶唔顺d腥味, 今日竟然食咗八只仲好似未够! 但系为咗其他食物唯有留下肚~除咗生蚝之外, 唔少得其他海产类嘅冻食~ 包括有长脚蟹、翡翠螺、青口、龙虾仔同埋冻虾~ 每一样都算新鲜, 好味嘅有长脚蟹同青口, 长脚蟹
::: 生蚝海鲜类 :::
今日呢个自助餐其中一个卖点就系即开新鲜生蚝~ 所以一开始就二话不说去攞生蚝先, 食客众多, 每人每次只限攞三只, 刚好有三款唔同生蚝, 就每款先要一只试味~ 虽然都有名字提供, 但系都唔太知道边只打边只, 食落口有一只味道好creamy好鲜甜, 就系相中最左𠮶只, 其他二只虽然味道只属普通, 但都好新鲜~ 话佢地鲜味同弹牙感十足都不为过, 只系佢地都要求每只生蚝即开后都要干净, 起势咁用水冲走里面嘅壳同沙, 以致海水味唔够丰富. 因为平时其他地方d生蚝都只系开定放喺冰上面, 食2-3只就顶唔顺d腥味, 今日竟然食咗八只仲好似未够! 但系为咗其他食物唯有留下肚~
除咗生蚝之外, 唔少得其他海产类嘅冻食~ 包括有长脚蟹、翡翠螺、青口、龙虾仔同埋冻虾~ 每一样都算新鲜, 好味嘅有长脚蟹同青口, 长脚蟹略为湿咗d, 不过鲜味尤在~ 青口几爽口同清甜, 点少少cocktail sauce更加鲜味~
::: 沙律头盘类 :::
沙律款式都几多, 有差唔多十款特色沙律, 再加上可以自由配搭沙律菜, 酱料都有5-6款, 确实不错~ 每一款沙律都各有特色, 每种酱都有各式各样味道, 可以先来个清新沙律开个胃, 都系唔错~
另外有特色嘅系冻肉批, 比较少喺自助餐食到, 有三文鱼同鸡肉选拣, 冻冻地几好食, 又唔会啖啖肉好滞~
当然亦都唔少得每个自助餐都有嘅火腿、烟三文鱼、意大利香肠、芝士呢d~ 款式都好多, 尤其芝士有3-4款, 虽然都系唔太知道系咩名堂味道够浓郁, 配上饼干食好好味~
汤呢就记得饮咗一个南瓜汤~ 南瓜味丰富个甜味又好自然, 唔错! 南瓜茸亦都溶晒落d汤度, 煲得够烂之余又保留到少少质感~ 面包同样出色, 有香甜味又够松化, 平时食自助餐会尽量唔食面包不过真系好味到食多咗~
::: 日式刺身烧物天妇罗 :::
呢d刺身、烧物、天妇罗都系画纸仔然后交由厨房即做, 所以先有新鲜热辣嘅保证~ 刺种种类唔多, 只系有三文鱼, 鲷鱼同北寄具拣, 我地唯有叫晒~ 三文鱼新鲜, 味道肥美, 冇乜筋, 足见质料同手势都好~ 鲷鱼同样都够鲜味, 唔至于入口即溶但系都合格有余~ 比较失色系北寄贝, 过冻而食唔到鲜味… 食完一round都有再encore三文鱼, 可惜可能解冻时间唔够, 三文鱼只有雪藏味, 呢一样就要改善下.
烧物种类都唔系好吸引, 最想食嘅羊扒竟然冇, 失望! 其余嘅鸡翼、鸡软骨、多春鱼都唔系好吸引, 所以只系叫咗和牛肉眼同茄子~ 对和牛肉眼有期望, 换来都唔系有乜惊喜. 肉质有d韧明显系烧得熟咗d, 牛味亦未见突出… 茄子就普通得嚟都叫入得口, ok咁啦.
终于天妇罗有番多少少款拣而又啱食, 叫咗软壳蟹、虾、茄子、南瓜同蕃薯~ 有番少少似样嘅卖相, 而且都整得够干身. 软壳蟹同蕃薯都好好味, 软壳蟹炸得香脆, 入口卜卜声, 蟹肉尚保留到鲜味, 好味! 蕃薯够甜, 又够粉, 都系好好味~ 要弹一定系个虾, 虽则个虾肉有鲜味, 都系弹牙嘅, 不过最主要天妇罗炸虾应该炸到半生熟, 要保留刺身𠮶种鲜甜味, 呢个就做唔到, 肉质过熟以致虾肉好实, 唔配个炸粉…
::: 热食类 :::
其实一路食都系以海鲜为主, 刺身、冷盘、天妇罗𠮶d都好少有牛羊猪鸡, 以为热食会有番多d红肉, 但系原本一打开𠮶d热食盘, 大多都系可以喺冷盘𠮶度揾到~ 有青口、蟹、鱼柳、虾、龙虾呢d咁, 大多数都系清一色用白汁煮, 食得太多同类海鲜都有d腻… 味道系非常好, 有青口、龙虾呢d好弹牙, 冻热食同样咁出色~ 要数最特别, 就系意大利云吞, 都系同白汁煮, 云吞皮好索汁, 加埋中间嘅芝士同菠菜, 十分香浓美味~
::: 雪糕甜品类 :::
甜品都有几多款唔同嘅蛋糕选择, 有芝士蛋糕、朱古力蛋糕、忌廉蛋糕等, 味道都不过不失. 最钟意个blueberry cheesecake, 芝士饼厚实绵密, 芝士味香浓, 好食到食咗两件. 另外亦有d玻璃樽装住嘅布甸、奶冻同mousse等~ 其中朱古力mousse味道超浓, 朱古力迷应该几钟意.
除咗蛋糕, 仲可以自己亲手整个窝夫, 只要倒d蛋酱喺部机度, 合埋焗一阵就得~ 窝夫好香蛋味, 又好香脆, 加埋朱古力酱简直系我嘅至爱~
又有呀菲爱爆嘅雪糕, 有3种口味, 云呢拿、朱古力同士多啤梨~ 雪糕入口奶味浓, 唔会只有冰味, 个人喜爱都系朱古力, 当然我系输俾呀菲嘅, 不过我地合力食咗超过10球, 正!
::: 饮品 :::
饮品每人有2杯, 先系食野𠮶阵有汽水或者红白酒, 食到甜品时间又可以叫杯咖啡~ 我要咗咖啡, 呀菲就要cappuccino~ 咖啡味道算浓, 入口味道嫌唔够啡味, 合格~ cappuccino
终于都食咗我地嘅团购, 整体嚟讲中规中矩, 好食嘅有生蚝、冻盘、面包、软壳蟹天妇罗、意大利云吞~ 失望嘅都有, 和牛、虾天妇罗同其他热食都系… 整体嚟讲, 如果钟意食海鲜嘅就可以大饱口福~ 环境都好舒服, 有块大玻璃够光猛, 座位都几宽阔, 侍应态度都ok~ 如果下次仲有呢个团购我都会想番兜, 就系为咗佢嘅生蚝!
张贴
