影片
更多
2009-05-19
140 浏览
呢间野开档帮衬到而家。日头其实系同普通茶餐厅无两样，有粥同肠粉果的，水准麻麻，无正记咁掂。午餐多选择，特别多地盘装修佬帮衬。晚餐小菜非常普通，唯独一样野令小弟再三帮衬，就系佢地既蚝烙，够正宗，做得好。好多人唔明白正宗蚝烙系点，心目中可能系蚝仔煎蛋，蚝仔薄撑，或者好似阿苏带人去离岛个阿伯煮果的咁。其实通通都唔系果回事。烙，潮州人来讲一定系炸既（唔系煎，亦唔系半煎炸），所以会有好多脆粉系周围。系要蛋，不过更要粉，重有葱同胡焦粉，咁外围系好多爽脆既粉，但系近中间就会软的厚的，多葱多蚝。炸呢，系炸到深啡既。食既时候呢，重要有大量芫茜，重有专用辣酱，咁先系路数。潮州冷美食坊既蚝烙正宗，好食，足料，够份量，抵食，味道好，而家唔系好多地方做倒。旧底庙街果的做法正宗，不过料就少得神奇。而家潮州冷美食坊仲有得食，真幸福！
午餐多选择，特别多地盘装修佬帮衬。
晚餐小菜非常普通，唯独一样野令小弟再三帮衬，就系佢地既蚝烙，够正宗，做得好。
好多人唔明白正宗蚝烙系点，心目中可能系蚝仔煎蛋，蚝仔薄撑，或者好似阿苏带人去离岛个阿伯煮果的咁。其实通通都唔系果回事。
烙，潮州人来讲一定系炸既（唔系煎，亦唔系半煎炸），所以会有好多脆粉系周围。系要蛋，不过更要粉，重有葱同胡焦粉，咁外围系好多爽脆既粉，但系近中间就会软的厚的，多葱多蚝。炸呢，系炸到深啡既。食既时候呢，重要有大量芫茜，重有专用辣酱，咁先系路数。
潮州冷美食坊既蚝烙正宗，好食，足料，够份量，抵食，味道好，而家唔系好多地方做倒。旧底庙街果的做法正宗，不过料就少得神奇。而家潮州冷美食坊仲有得食，真幸福！
张贴