影片
更多
2019-08-12
70 浏览
今日放工后男朋友俾左个惊喜我，就系book左呢间「蚝湾」同我食好野补庆祝七夕！心情好兴奋，因为我都唔记得七夕呢回事，但男朋友竟然记得啰，仲要book埋台食我地都好钟意食既生蚝，确实加晒分!男朋友拍板叫左六款生蚝、带子刺身、车里蚬刺身、西班牙红虾刺身同活龙虾套餐，另外店员仲介绍左啱啱返货半个钟既皇帝蚬刺身同鹅肝多士。因为生蚝系即开同刺身系即切既关系，所以需要等候一段时间，而平日晚上七点几陆续多人，好彩男朋友识订位，因为差唔多到八点就已经坐满左。我地首先食左刺身先，带子肉厚新鲜; 红虾甘甜，记住要食埋虾头啲膏，好美味; 车厘蚬好饱满，食到最尾个味先最出，好鲜味; 店员推介既皇帝蚬大大只，好爽口鲜甜，群边好有弹性。六款生蚝分别系South Africa Rock、Lambert、Majestic、Pousse en Claire、Gillardeau、La Perle Noire，款款都好新鲜好鲜甜，我个人最钟意 South Africa Rock 同 Gillardeau，South Africa Rock 唔好睇佢细细只，其实佢好肥美好饱满，肉质鲜嫩，口感丰富，而Gillardeau有淡
男朋友拍板叫左六款生蚝、带子刺身、车里蚬刺身、西班牙红虾刺身同活龙虾套餐，另外店员仲介绍左啱啱返货半个钟既皇帝蚬刺身同鹅肝多士。因为生蚝系即开同刺身系即切既关系，所以需要等候一段时间，而平日晚上七点几陆续多人，好彩男朋友识订位，因为差唔多到八点就已经坐满左。
我地首先食左刺身先，带子肉厚新鲜; 红虾甘甜，记住要食埋虾头啲膏，好美味; 车厘蚬好饱满，食到最尾个味先最出，好鲜味; 店员推介既皇帝蚬大大只，好爽口鲜甜，群边好有弹性。六款生蚝分别系South Africa Rock、Lambert、Majestic、Pousse en Claire、Gillardeau、La Perle Noire，款款都好新鲜好鲜甜，我个人最钟意 South Africa Rock 同 Gillardeau，South Africa Rock 唔好睇佢细细只，其实佢好肥美好饱满，肉质鲜嫩，口感丰富，而Gillardeau有淡淡既海水味，好creamy，食新鲜生蚝落少少柠檬汁就已经好足够。
鹅肝多士好香好好味，鹅肝煎到四面都焦香，内里肉质入口即溶，多士脆卜卜，正!
活龙虾套餐有龙虾刺身、两碗龙虾汤同细既烩龙虾意粉。餐厅选用原只新鲜龙虾，刺身肉质确实爽口弹牙; 龙虾汤好浓郁足料，里面有一大旧龙虾肉，食完冷盘饮热汤好舒服，热辣辣好好味，而且好creamy;细烩龙虾意粉，份量好多，我同男朋友都食唔晒，餐厅好细心地将龙虾钳拆左壳，龙虾肉好弹牙啖啖肉，扁意粉煮到软硬适中，连埋啲龙虾膏一齐煮真系好味道。
餐厅除左生蚝平靓正之外，活龙虾套餐个质素都非常好，诚意推介！
张贴
