丼丼屋 (已結業)

小编今日同妈妈去左乐富一游，谂起想食丼丼屋，就系乐富商场系咁揾。睇晒指示牌周围揾，兜左好耐原来系个极度隐蔽既地方！环境宽敞，冇乜人，但侍应净系挂住做自己野忽略客人。我地嗌左一个蕃茄牛肉乌冬同泡菜豚肉乌冬。蕃茄味好浓，味道唔错。但泡菜豚肉乌冬就失望，睇到餐牌见佢好多泡菜，但黎到得三四旧做装饰，个汤只系普通汤，冇泡菜味，完全失望。然后嗌左个松叶蟹肉沙律，D菜都几fresh, 个汁带少少酸味几醒胃，蟹肉略嫌少左d，但整体个味都几好。再嗌左个盐烧三文鱼扒，唔会好咸，岩岩好，呢个只系普普通通，唔差！最后甜品share左宇治金时新地，好大杯。绿茶酱配云呢拿味雪糕，再有红豆又有粟米片增加口感，系咁多样最满意既野食！