Victoria Restaurant

营业中

休息中

星期五晚收工之后去咗花墟睇花盆栽，买咗啲靓嘅盆栽🪴，然后附近揾嘢食，好多餐厅终于拣左呢一间餐厅系新开嘅分店入去试下啦！去到嘅时候刚刚坐满座要排队等咗10分钟左右就到我哋。 我哋两个叫咗帝王蟹棒天使面、香草酱烧牛肉意粉、罗宋汤、忌廉汤，见到呢餐厅嘅装饰都几特别啲灯饰好靓系一啲吊灯形式，对面果间餐厅啲装修同呢间一样，分店就系对面两间都爆场，餐厅内见到隔离左右都系一啲熟客 ，服务员都同佢哋打招呼好似经常都有去帮衬咁，应该好多都系街坊黎食。好快餐汤就到咗，当然我哋一齐都会互相试下两个汤啦，罗宋汤个味道好浓沃，忌廉汤都好味😋唔会太稀或者 太杰 ，好快两个主菜就到喇，蟹棒天使面个蟹棒唔会太淋煎得啱啱好好味，不过天使面啲酱汁多咗少少杰身左味道都可以，香草酱烧牛肉就啱啱好，鲜嫩唔会太熟，意粉爽口弹牙唔会太淋，牛肉烧得啱啱好好味😋 餐饮我哋叫咗柠水同冻奶茶，柠水𠮶个玻璃杯好靓几有特色。呢间餐厅虽然贵过隔离红桥少少，但食物质素好啲，但价钱都算平所以有街坊都会经常黎开餐都好正常。