誠拉麵 (已結業)

豚骨拉面套餐(配日式沙律+饺子三只+罐装汽水)豚骨汤底好浓，饮落有啲粘粘嘅口感，味道适中。木耳丝份量几多，爽口清新，加埋葱令汤底冇咁腻。配料仲有海苔、叉烧各2片，半熟玉子半只，叉烧肥瘦均匀，浸喺汤度更惹味，玉子香滑。面质尚可，唔会太粘口。沙律粟米略嫌唔够甜，菜相对都唔够新鲜。饺子煎到都几香脆，但馅料唔多，味道一般。豚骨味噌拉面套餐(配明太子手羽1只+盐烧鸡软骨1串+罐装汽水)汤底比豚骨拉面重口味，配料大同小异，都系海苔、叉烧各2片、半熟玉子半只，木耳丝换成荀丝同芽菜，荀丝酸酸爽爽，芽菜爽甜，更解腻开胃。明太子手羽肉质都几juicy，里面包住明太子。盐烧鸡软骨几香口惹味。