東海堂 (港鐵元朗站)

营业中

休息中

自从西铁站开了东海堂真系太方便，顺路就去买袋包，而且朝早人唔多，唔使排队就买到啦。厚切紫薯包一袋有四片，劲厚切，基本上早餐食一块就够，紫薯蓉香甜，味道唔假。宇治抹茶红豆包抹茶控值得一试，个抹茶味好浓好香，红豆软腍微甜，面包松软好味。北海道3.6牛乳方包三种方包中最软绵，劲香牛奶牛油味，虽然样子平凡实而不华，但百食不厌，买呢款早多。车打浓烤芝士包一袋五个几重手，一大片芝士，但味道有点怪，闻落有啲酸味，咬落好油，面包硬实，唔知系咪放左好耐，呢款无encore过，都系食返方包啦。十零蚊袋包食三日，抵过食散装包，哈哈。