影片
更多
2020-11-02
219 浏览
近排多咗嚟长沙湾揾食，因为呢区真系有唔少既经济又抵食嘅小店。上两个星期来吃了顿客家菜，今日有人话要带我嚟试下福荣街呢间「尚小馆」。原来间舖头都开咗有一段日子，不过门面睇落仲系好新净。店内环境亦不错，干净企理，配上一室浅木色台櫈，简洁舒服。先睇餐牌，食物选择都几多，有客饭餐、粉面餐、凉菜小食、饭面年糕、小菜、点心、饮品，另外亦有几款厨师推介。我哋拣咗个三丝粉皮、南乳炸鸡中翼同砂锅云吞鸡煲配菜饭。每次到上海餐馆用膳，都会点鸡丝粉皮这个菜式，不过呢度个三丝粉皮 ($48)，用料就更加丰富，除了鸡丝同青瓜丝之外，另外仲加咗火腿丝。粉皮薄而透明，麻酱味香，吃得出用料不俗。鸡丝嫩滑不韧、火腿粗身，唔系一般超市货色，颇有诚意。青瓜丝清爽脆口，捞埋麻酱和黑白芝麻等一起吃，超开胃。接著上桌的南乳炸鸡中翼 ($28) 亦非常美味，外皮炸到脆卜卜，入口充满南乳嘅咸香，而且入面嘅鸡肉食落仲好 Juicy，啖啖滋味。砂锅云吞鸡煲配菜饭 ($70)，餐牌写明系一人份量，无谂过原来都咁大煲，非常足料。鸡汤味道很清甜，无落味精，入口浓而不腻，好好饮。鸡肉鲜嫩幼滑，加上皮薄馅靓嘅云吞，简直系绝配。菜饭水准亦唔错，饭质
原来间舖头都开咗有一段日子，不过门面睇落仲系好新净。店内环境亦不错，干净企理，配上一室浅木色台櫈，简洁舒服。
先睇餐牌，食物选择都几多，有客饭餐、粉面餐、凉菜小食、饭面年糕、小菜、点心、饮品，另外亦有几款厨师推介。
我哋拣咗个三丝粉皮、南乳炸鸡中翼同砂锅云吞鸡煲配菜饭。
每次到上海餐馆用膳，都会点鸡丝粉皮这个菜式，不过呢度个三丝粉皮 ($48)，用料就更加丰富，除了鸡丝同青瓜丝之外，另外仲加咗火腿丝。粉皮薄而透明，麻酱味香，吃得出用料不俗。鸡丝嫩滑不韧、火腿粗身，唔系一般超市货色，颇有诚意。青瓜丝清爽脆口，捞埋麻酱和黑白芝麻等一起吃，超开胃。
接著上桌的南乳炸鸡中翼 ($28) 亦非常美味，外皮炸到脆卜卜，入口充满南乳嘅咸香，而且入面嘅鸡肉食落仲好 Juicy，啖啖滋味。
砂锅云吞鸡煲配菜饭 ($70)，餐牌写明系一人份量，无谂过原来都咁大煲，非常足料。鸡汤味道很清甜，无落味精，入口浓而不腻，好好饮。鸡肉鲜嫩幼滑，加上皮薄馅靓嘅云吞，简直系绝配。菜饭水准亦唔错，饭质松软，而且唔会油淋淋，食完真系好饱肚。
用餐期间，不停见有街坊嚟买外卖，足见店子的出品很受食客欢迎。
张贴
