金滿都越南餐廳 (已結業)

长沙湾元州商场开咗这间金满都越南餐厅， 经过多次都未帮衬过， 今日住在附近嘅朋友约我在这间食晚饭， 试完之后真系几低食，味道又几好食。这间餐厅就在商场大单边位地舖， 所以都几大,坐位都有好多, 今晚星期四闲日平晚都几多人食，卡位已满，惟有坐中间的四人位，幸好挤迫。朋友介绍这里的汤河， 就点了猪扒汤河$45, 加13蚊有杯精选特饮, 芒果沙冰。而朋友叫了碟咖哩牛腩饭$52，其饮品是芒果沙冰冻荔枝玉露。 两个人在食串烧拼盘，分别有猪、鸡、牛肉，$85。猪扒汤河果然好食，大大碗， 尤其是猪扒份量其多，加上已碎上，食时方便得多。 这里的猪扒炸得非常脆口， 肉质结实，加上肉汁多和香茅味，好食。而河粉幼细而滑口， 配上美味嘅汤底，正。咖哩牛腩饭， 牛腩与白饭分开上， 大大兜牛腩味道香而辣，肉质特别软淋，口感香滑，而咖哩汁佐饭特别开胃。串烧拼盘，猪、鸡、牛肉各2串，BBQ烧加上沙爹汁特别惹味好食。两款特饮味道甜而不腻，尤其是芒果沙冰,新鲜嘅芒果材料配上冰块做成沙冰，冻得嚟又解渴怡人，特别醒神。而冰冻荔枝玉露，荔枝肉多，胜在甜味十足，配合串烧边饮边食，正。