清心齋 (已結業)

最近有街坊介绍左呢间铺头俾我，同我讲话呢度啲豆腐花抵食又好味🤩所以今日去街市买水果兼买埋豆腐花自取返屋企慢慢叹～去到舖头发现呢到原来唔单止得豆腐花卖，仲有好多唔同款式嘅甜点，难得嚟到就买埋糕返屋企试吓吧😌我买咗马蹄糕同埋芒果西米糕。马蹄糕好爽口，食落有一片片马蹄系里面，马蹄味十足，有阵阵清香既感觉。糕点既口感很好，咬落去唔会溶溶烂烂既感觉，而且一打开包装就食得，好方便，用来做早餐都唔错。另外一款芒果西米糕都几好味，好香芒果味，一啲都唔酸，系新鲜香甜既芒果，咬落去都算几多汁嘅。而且咬落去有大量西米，加埋椰汁好似甜品咁😚最后讲返豆腐花，估唔到份量都几大碗，真系好香豆味，质感都几滑，难怪街坊极力推荐呢间嘅豆腐花俾我，的确系唔错㖞！