BOM Cuisine (已結業)

去完长沙湾探朋友既BB 顺便系埋个度食饭啦 好耐冇去长沙湾啦 原来而家多左好多唔同既餐厅 见到呢度有间葡国餐厅咁特别 就试一试啦当我地好认真咁睇紧menu 既时候 侍应行左过黎为我地介绍一下 原来呢间本来你食葡国餐 但系为左迎合附近街坊既口味 而家调节到大部份系fusion 菜 〰️传统西班牙海鲜烩饭〰️第一眼就见到呢只大虎虾啦 开头我以为面头灰灰地色既系虾膏 点知一放入口就食到原来系橄榄加上蒜蓉 第一啖食系多少少涩涩地 但系嗒嗒下又觉得几醒胃 继续讲返个饭先 其实有少少似意大利饭 但系佢冇鸡汤味 变左系劲重既橄榄油味 虽然系咁 但系又唔会食到成口油个饭中间仲有虾.青口.蚬肉.鱿鱼.带子粒 材料丰富〰️葡萄牙霹雳烤原只法式春鸡〰️呢个虽然系烤鸡 但系鸡肉保持到好鲜嫩 鸡既皮下脂肪唔多 食埋个鸡皮都唔怕肥 而且鸡亦系切好左 咁就唔驶原只鸡食咁狠狈啦个鸡下面有薯蓉 薯蓉吸左啲鸡汁 别有一番风味