影片
更多
2024-02-08
92 浏览
一个湾仔区已经有差唔多20间拉面店，今日特登拣左幸屋试一试。幸屋位于机利臣街一堆旧楼之间，距离湾仔地铁站大约5分钟路程。呢间餐厅于小店类型，主要做街坊生意。店内装修以日式风格为主，坐位唔算好多，但人流源源不绝。餐牌有2款期间限定拉面、5款拉面、4款沾面、4款丼饭、数款小食/沙律/饮品选择。樱花虾味噌拉面($88)+豚角煮($18)食拉面，第一啖当然系试佢汤底，汤底味噌味好浓。拉面亦都软硬适中，唔会煮到淋晒。另外，叉烧好淋又唔怕肥。最后加钱要埋豚角煮，豚角煮肥瘦均匀，入口即溶，好出色。炸大虾x蕃茄酱油拉面 （$138）炸大虾足足有11吋长，长过个碗边！炸虾啖啖肉，而且好弹牙。另外汤底系蕃茄酱油汤底，酸酸甜甜，同炸虾好夹。芝麻鸡翼 ($38)鸡翼皮炸到好香，鸡肉好嫩滑，芝麻味劲重，呢个小食真系超惊喜。鸡皮饺子($38)饺子有四只，饺子皮好脆，馅料丰富，几好味。如果再黎湾仔，一定会再黎帮衬。
呢间餐厅于小店类型，主要做街坊生意。店内装修以日式风格为主，坐位唔算好多，但人流源源不绝。餐牌有2款期间限定拉面、5款拉面、4款沾面、4款丼饭、数款小食/沙律/饮品选择。
樱花虾味噌拉面($88)+豚角煮($18)食拉面，第一啖当然系试佢汤底，汤底味噌味好浓。拉面亦都软硬适中，唔会煮到淋晒。另外，叉烧好淋又唔怕肥。最后加钱要埋豚角煮，豚角煮肥瘦均匀，入口即溶，好出色。
炸大虾x蕃茄酱油拉面 （$138）炸大虾足足有11吋长，长过个碗边！炸虾啖啖肉，而且好弹牙。另外汤底系蕃茄酱油汤底，酸酸甜甜，同炸虾好夹。
芝麻鸡翼 ($38)
鸡翼皮炸到好香，鸡肉好嫩滑，芝麻味劲重，呢个小食真系超惊喜。
鸡皮饺子($38)
饺子有四只，饺子皮好脆，馅料丰富，几好味。
如果再黎湾仔，一定会再黎帮衬。
张贴
