洪記粥品 (淘大商場1期)

营业中

休息中

星期日放假落街想食得清清地，见到淘大呢间粥品好受街坊欢迎，午餐繁忙时间唔少人叫外卖，堂食都要等位，不过好快就有位啦。炸两肠 (细) $16油炸鬼色泽金黄诱人，外酥内嫩，咬落去非常酥脆，外层包住薄薄嘅肠粉，口感丰富。叉烧肠 $21肠粉米味香浓，包住里面满满嘅叉烧粒，另外有豉油提味，系不错嘅咸点。生滚粥 - 鲜鲩鱼腩粥 $45细滑绵滑嘅粥底配新鲜嘅鲩鱼腩，鲜味十足。鲩鱼腩非常肥美，好嫩滑。有姜丝癖去鱼腥味，再落少许胡椒粉提鲜。生滚粥 - 窝蛋鲜牛粥 $45粥底同样柔滑细腻，鲜牛肉鲜嫩，窝蛋更为粥品增添了丰厚蛋香。粥底多左份肉味更鲜美滋味，温润滑顺。豆浆 $10夏日炎炎食热辣辣嘅粥品，梗系要配番杯冻豆浆。浓浓的豆香清甜可口，非常解暑。