緣來地道風味(街粥)

营业中

休息中

#搞串个pantry每一区都会有一啲所谓嘅宵夜🌙小食店，卖下啲煎炸嘢🔥、捞面🍝等等。今次我哋就嚟到位于#石篱 嘅一间几平💕嘅街坊小店，试吓佢哋嘅街坊小食😚，舖头连甜品🍨都有㗎！今次我哋就嗌咗一碗🔴油渣粉仔($21)、🔵猪润皮蛋粥($24)、🟤6件炸三宝($12)、🟠炸鸡翼($10/两只)、⚫️椒盐鸡软骨($18)。价钱💰比起好多舖头都平好多，真系街坊良物。油渣粉仔🌟🌟🌟🌟一碗嘅份量适中，上面舖咗菜脯。食落口，粉仔好腍但唔会太粉🤤，味道就油腻偏重口味。猪油渣就介乎脆同腍之间🥢。喺石篱其实仲有一间出名食粉仔嘅餐厅，但呢间食落都唔差🤩。猪润皮蛋粥🌟🌟🌟份量都几多，里面猪润🐷同皮蛋数量都多。成碗粥食落口淡淡地🤗，唔系太有咸味，口感尚算绵密。猪润口感偏粉，食到尾啲猪润变得有啲硬😖。炸三宝、炸鸡翼🌟🌟🌟三宝普普通通，不过胜在好平，种类都多，我哋就拣咗茄子、鱼蛋🐟、蟹柳，三样都唔错。而炸鸡翼🍗同样无特别，裹咗一层炸粉，炸完洒咗啲椒盐上去😙。椒盐鸡软骨🌟呢个就极不推荐😤，每一粒鸡软骨都好硬🤯，外面嘅炸衣硬到不得了，一可能系炸得太过火，二可能系翻炸过😣。