寶峰冰室

营业中

休息中

今日午餐用外卖平台，拣咗一间于平台上都多街坊支持及评价唔错的宝峰冰室，叫咗2个常餐。家人叫咗沙嗲牛肉米粉，配炒滑蛋，火腿，厚多士，红豆冰。个牛肉米粉都算够入味，但又唔会好咸。我叫咗火腿通粉转蕃茄浓汤，配炒滑蛋，肠仔，厚多士，冻奶茶。蕃茄浓汤OK㖞，唔咸但够浓，通粉亦唔会太淋。跟餐的厚多士如果可以脆啲就更好，不过都明白，始终系外卖送餐而唔系即刻食，会差小小。家人特别提到杯红豆冰，唔会好甜，而红豆亦一粒粒，有口感而唔会已经溶晒。而我杯冻奶茶走甜亦都算够浓，质素唔错。总结宝峰的常餐，味道及份量亦OK, 整体唔会太咸。大家可以试下。