越潮

营业中

休息中

香港嘅越南餐厅都试过唔少，越南当地嘅汤粉面亦都试过，今次帮衬西环嘅街坊越南菜馆， 发现一款喺其他越南餐厅比较少有嘅汤檬， 叫蟹膏汤檬晓 由于我真系好钟意食汤面，又钟意食海鲜， 睇到个名已经好想食 再上网研究一下， 发现呢款汤檬原来喺越南好出名， 特别在于汤底系用猪骨，蕃茄和蟹膏淆制而成， 再配上蟹肉和蟹膏做成嘅配料。 平时去开越南餐厅都指定一定会叫PHO生牛河， 今次一于转下口味蟹膏汤檬晓到咗之后， 我一望就已经肯定我会爱上呢款汤面 目测有好多配料， 再加上大量我钟意食嘅生菜丝和葱， 第一啖饮汤， 正到呢~ 食得出系真材实料，再加上有蕃茄，酸酸味味非常开胃， 重点有好多肉丸， 食落好似猪肉丸， 但系我唔肯定系咪就系用蟹肉和蟹膏造成嘅， 不过非常非常之好味， 肉丸球唔会整得好硬， 食落有咬口再讲番间餐厅本身， 好靓嘅装修就冇啦，但系睇得出系越南家庭式经营， 价钱合理，做街坊生意 今次有好味嘅新发现， 等我下次去越南，试下当地嘅蟹膏汤檬，再比较一下先