茶記冰室 (已結業)

今日下午去左个朋友屋企玩，玩完就落街食晚饭，佢就带左我去呢间「茶记冰室」，话系佢既饭堂😂😂好啦，我心谂食茶餐厅最好，就系入到去总有一样野啱食😆😆！睇咗一轮餐牌，呢度有冰室既食物，又有茶餐厅既碟头饭，亦有大牌档既小菜，多到我都唔知点拣好，朋友就话我第一黎一定要试下呢度既名物，冰镇咕噜肉！👍🏻我想像唔到系咩味，好啦就姑且一试😝😝！跟餐送左碗例汤同埋热饮😍😍朋友就点左个西柠大虾球！一齐分享黎食🤤🤤例汤率先送到，热腾腾份量十足啊！👍🏻👍🏻冰镇咕噜肉黎到，果然有惊喜😍❤‼系脆卜卜架！入面粒肉好大粒，我系人生第一次食到咕噜肉入面真系大大粒肉😂😂大家都应该心里有数，香港地叫咕噜肉通常都系食面粉，入面得细细粒肥肉。今次呢个真系真材实料啊！朋友个西柠大虾球都系粒粒大虾🍤货真价实🤤🤤！西柠好开胃，跟餐仲有碗白饭，非常饱的一餐。留意到呢度装潢都好特别，地板墙身都有设计过，而店员都好有人情味，街坊餐厅得黎又带有特色！价钱亦相宜，唔怪得朋友话系佢既饭堂啦😝😝！