港里餐廳

营业中

休息中

尋日要去大埔墟街市附近買嘢，所以去咗大埔墟食午飯，見到呢一間餐廳，選擇好似好多元化，所以入咗去試吓。我哋揀咗尖椒回鍋肉午餐，同埋常餐蕃茄牛肉通粉配多士奄列。常餐蕃茄牛肉通粉好快就到，味道偏甜，整體OK。多士奄列就偏薄，但係味道都係正常嘅。尖椒回鍋肉午餐，好彩係冇汁，因為我好怕有好多芡汁嘅飯。味道夠辣，尖椒都多，但係回鍋肉肉質好嚡，味道正常，但係咬咗好耐先咬得開。熱鴛鴦，凍齋啡，味道正常。好好味就講唔上，只係正常味道，不過佢有好多位唔使等位，如果趕時間係一個幾快嘅選擇。