多點心

营业中

休息中

呢间开系德宝嘅点心专门店系我地成日会帮衬既🤗因为真系好有水准又唔贵🥢牛肉肠粉：皮厚但滑，钟意食白肠粉既人会钟意，牛肉加左芫荽同马蹄，唔系爆多，但好味✨记得问佢拎辣油（系好味既xo酱）🥢鱼汤鲜竹卷：呢个真系多料，算系茶楼中既清淡之选（但唔系冇味）个鱼汤好味🥢凤爪：好入味，比出面一般食到既好味😍佢个底系有几条乌冬👍🏻挂汁好正🥢奶黄煎堆👍🏻👍🏻大推，好流沙，外皮好脆食落又唔油，奶黄会食到一粒粒既咸蛋黄，正最岩食完其他之后做甜品（怕会冻左可以之后先加单）🥢菜苗饺：又系一个点辣油劲好食嘅饺🤣正另外仲有佢最出名既流沙奶黄包 同 雪山叉烧包👍🏻之前食过同样出色 但由于今次我地2个都真系好饱 所以就冇叫啦间店算大，坐得舒服，通常都唔洗点等位，而且亦都唔会有人催你埋单，亦冇加一，如果你系熟客，d店员仲会记得你饮开咩茶，系一间好有人情味嘅茶楼。