龍華軒咖啡室 (已結業)

龙华轩两位老细古灵精怪。咖啡店充满住奇形怪状玻璃瓶，关公、海盗王，大头公仔，卡板当MEUN、载上眼罩嘅怪兽面具⋯⋯原来两位老板钟意香港夜游，去地滩、夜冷舗、天光墟搜寻旧物摆设；不特止，龙华两人亦玩开Graffiti，难怪咖啡店门口布满色彩斑斓嘅Graffiti，见到人都开心啲。经营咖啡店好讲有冇Heart！龙仔华仔除咗悉心布置咖啡店之外，对咖啡同埋食物都好讲够。不少人都试过佢哋出晒名嘅卡邦尼意粉，但我今次就试吓佢哋嘅泰式肉碎意粉。咖啡店有得食泰式菜已经少次有少，而且哩味泰式肉碎意粉系凉面，再配有酸酸的青柠味，微辣，天气咁鬼热，胃口唔多好，食哩个就啱晒喇！加埋蜜桃梳打，今个下午，相当满足啊！龙华轩就好似两位老板嘅艺术品咁，系生活中累积细节，再用布置、厨艺呈现畀大家。坐耐啲你会发现，原来佢哋重带玩吓结他，露营游山玩水、影吓菲林相！所以龙华轩唔系咖啡厅咁简单！最后，龙华两人系咖啡控，就问佢哋研究手冲咖啡心得，重可以买佢哋咖啡粉啊！