巴打冰室

营业中

休息中

石荫呢边最近开咗间巴打冰室，一直都未有机会试，终于听日的起心肝约埋同事Lunch一齐去食。午饭时间四围都系人，呢条街嘅餐厅大部份都要等位，巴打冰室当然都唔例外。睇过价钱牌，价钱正常，同附近餐厅都差唔多，午餐都系包汤包饮品。餐汤有中汤西汤拣，是日西汤系罗宋汤，睇颜色都知道汤底比较浓郁，唔会沟水开浠哂，本来仲满心欢喜，点知入口味道非常咸🙈似系可以攞嚟送饭嘅罗宋汁，唔系俾人斋饮嘅罗宋汤。海南鸡饭，虽然鸡肉有骨，肉质又唔够嫩，但鸡皮唔算肥，唔会有大旧肥膏，另外鸡饭香味浓郁，唔油，都唔错。热奶茶不过不失，正常茶餐厅口味。📍卫生方面，可能因为午饭时间太多人，张枱未抹干净仲满晒上手留落嚟嘅鱼骨，店员就放餐具同茶水落嚟，感觉污糟核突。