百味鮮辣蟹專門店 (已結業)

之前在旧铺食过，搬左新铺，地方大了好多，上次食晚餐的时候，见到有人食私房菜，问下老板，原来有一啲菜系餐牌无既，要食围头，好似私房菜咁，由于平时啲海鲜同小菜都唔错，于是约齐一班朋友，揾左一日黎试，真系好得㖞，食既嘢唔系平时出面有得食既，买相好精致，由头盘到生果，非常得!头盘好开胃，有冻螺，熏蹄，云耳，车同车厘茄，云耳落左WASaBi 同陈醋，酸酸地真系好开胃，车厘茄真系好好味，我最钟意，因为好有心机，车厘茄系粒粒都去左皮，仲有桂花香，甜甜地呢个以蟹肉为主，用左小堂菜整左好似玫瑰花咁做伴碟好靓呀，蟹肉上面的是燕窝同蟹籽，加埋紫洋葱，颜色丰富又名贵~香槟汁龙伴波菜面，海鲜中我最钟意食龙虾，个汁好特别，龙虾好新鲜，啖啖肉，第一次食波菜面，又几好食㖞果皮蒸就食得多啦，干煎又未试过㖞，估唔到味道又OK 㖞，绝对唔会晒左啲鲍鱼，南非鲍真系好食过大连鲍，配埋啲新鲜既露笋，真睇得又食得。呢个上枱时个锅己好有气势，云南气锅鸡听就听得多啦，试就真系未试过啦，个汤好清，啲味好出，啲鸡脚好似中左化骨绵掌咁，朋友们都对呢个汤赞不绝口~ 冰镇咕噜肉，外脆肉暖，好似食拔丝咁，甜酸岩岩好，加埋冰底冰住，令到出面更加脆火