影片
更多
2012-10-06
876 浏览
太太钟意食寿司广嘅十六件寿司Set预早两日打电话订咗1pm两位。我哋已经早咗十五分钟到，一出Lift已经见到约五个人嘅队。咁我入去Counter谂住攞位，个疑似经理好忙咁搅紧D单。我同佢讲我个名，订咗两位一点。个经理望都冇望我一眼，讲〝系，你两位请等等。〞亦冇Check𠮶张订位嘅List。咁我唯有企过一边等啦。如是者之后两三Group人都系一样，呢个时侯成个入口位置已经有十几人系度。有啲比较迟〝登记〞嘅人因为冇位企所以企咗系Counter前面。到有空枱喇，呢个时侯呀经理先生终于抬起头，就问〝你三位呀?〞〝你两位呀?〞而佢问嘅次序系根据佢嘅视线及距离。咁企得近𠮶D好快就有位喇。尤其可怜我见到两个日本人挂住倾偈冇留意呢个攞位机制，最早到反而最迟有得坐低。由始至终，无论啲人话有冇订位，佢都冇望过张Booking List。其实如果系咁佢可以唔接受电话订位，要排队，又或者派筹，咁可能都好少少。佢依家呢个名存实亡嘅订位制度系不能再差嘅！我话不如走啦，太太话等吓，咁等啰，约等咗廿分钟终于坐得低。我哋叫咗一个十六件寿司Set加一个炸海鲜Set。其实只要过得到门口呢关，佢哋嘅服务系唔错嘅。前菜丰富非常
预早两日打电话订咗1pm两位。
我哋已经早咗十五分钟到，一出Lift已经见到约五个人嘅队。
咁我入去Counter谂住攞位，个疑似经理好忙咁搅紧D单。
我同佢讲我个名，订咗两位一点。
个经理望都冇望我一眼，讲〝系，你两位请等等。〞
亦冇Check𠮶张订位嘅List。
咁我唯有企过一边等啦。
如是者之后两三Group人都系一样，呢个时侯成个入口位置已经有十几人系度。
有啲比较迟〝登记〞嘅人因为冇位企所以企咗系Counter前面。
到有空枱喇，呢个时侯呀经理先生终于抬起头，就问〝你三位呀?〞〝你两位呀?〞
而佢问嘅次序系根据佢嘅视线及距离。
咁企得近𠮶D好快就有位喇。
尤其可怜我见到两个日本人挂住倾偈冇留意呢个攞位机制，最早到反而最迟有得坐低。
由始至终，无论啲人话有冇订位，佢都冇望过张Booking List。
其实如果系咁佢可以唔接受电话订位，要排队，又或者派筹，咁可能都好少少。
佢依家呢个名存实亡嘅订位制度系不能再差嘅！
我话不如走啦，太太话等吓，咁等啰，
约等咗廿分钟终于坐得低。
我哋叫咗一个十六件寿司Set加一个炸海鲜Set。
其实只要过得到门口呢关，佢哋嘅服务系唔错嘅。
前菜丰富非常，但如果叫嘅Set有饭嘅话碗饭系会同前菜一齐上嘅。
到上主菜时碗饭通常已经冻哂。
我已经惯咗而且见佢哋好忙咁冲嚟冲去都唔忍心叫佢换。
刺身我扮识食...话唔食三文鱼，咁佢哋俾咗一种白身鱼我。三种刺身都好靓好新鲜！我问服务员佢话呢种系深海池鱼~
讲开又讲好似从未系度食过好食嘅三文鱼刺身。
个炸海鲜就只系OK，颇油，有D炸到甩皮甩骨嘅感觉。好在个海鲜酱系似Tonkichi𠮶只，几好味。
之前系呢度食过一次好好味嘅炸鸡Set，所以我先冒呢个险。
太太叫嘅十六件寿司，素质一向都好稳定。全部都好新鲜，系有时D紫菜会腍些少，唯有食咗D〝军舰〞先啦。
不幸地，我左边张枱同右边张枱咁啱系识嘅。其中一个女人系我太太身后成日行嚟行去倾计好鬼烦。
点解呢个女人唔使食嘢咁得闲讲嘢呢?
从佢讲电话得知佢等紧佢正由沙田出紧嚟尖沙咀嘅老公先叫嘢食 -_____-
唉人哋D枱已经咁紧张。
唔如呢间嘢系咪上咗D乜嘢内地旅行杂志，又或者近糖朝。
愈嚟愈多内地人嚟食。
再加上如此一个经理守门口，相信我好快要揾过第二间日本料理喇 。
张贴
