影片
更多
2012-10-15
26 浏览
觉得自己试食会d相影得唔够靓, 又唔想带单反机去试食, 因为太大部好挜拃又好重... 加上如果要买1.8大光圈+超微距+蔡司镜, 斋镜都过万, 仲要重过机身, 唔系太识合我用...另一半帮我拣咗部Sony Cybershot DSC-RX100, 过几日又有食家饭局, 唔等得啦, 放工即刻去Times Square买新相机...买完心头好, 就系Times Square附近揾食... 望到对面街「一风堂」个招牌, 就去试吓啦~ 之前想去尖沙咀试好耐, 不过人人都话要排好耐队, 所以都唔系好敢去试...6:30PM去到, 时间尚早, 只有几枱客, 唔使排队直入... 全香港最贵嘅黄金地段, d枱櫈好袖珍~浸住柠檬嘅冰冻清水, 已经预先放置系大家嘅座位前, 以自助形式饮用~ 冻水渗出淡淡的柠檬味, 几清新...第一次o黎, 对一切都好陌生, 特别系呢个芝麻樽, 研究咗好耐先识用, 好大乡里, 哈哈... 同埋觉得佢个样好鬼似「千与千寻」入面嘅「无脸男」, 好搞笑...第一次帮衬, 都唔知有咩好食, 求其Order啦...落单时职员会问客户对面条软硬嘅喜好, 极为细心...赤丸新味 -- 另
另一半帮我拣咗部Sony Cybershot DSC-RX100, 过几日又有食家饭局, 唔等得啦, 放工即刻去Times Square买新相机...
买完心头好, 就系Times Square附近揾食... 望到对面街「一风堂」个招牌, 就去试吓啦~ 之前想去尖沙咀试好耐, 不过人人都话要排好耐队, 所以都唔系好敢去试...
6:30PM去到, 时间尚早, 只有几枱客, 唔使排队直入... 全香港最贵嘅黄金地段, d枱櫈好袖珍~
浸住柠檬嘅冰冻清水, 已经预先放置系大家嘅座位前, 以自助形式饮用~ 冻水渗出淡淡的柠檬味, 几清新...
第一次o黎, 对一切都好陌生, 特别系呢个芝麻樽, 研究咗好耐先识用, 好大乡里, 哈哈... 同埋觉得佢个样好鬼似「千与千寻」入面嘅「无脸男」, 好搞笑...第一次帮衬, 都唔知有咩好食, 求其Order啦...
落单时职员会问客户对面条软硬嘅喜好, 极为细心...
赤丸新味 -- 另一半话几好味, 可惜份量太少, 食完好似冇食过o野落肚咁...
味噌猪骨 -- 汤底味道浓郁, 汤面浮起猪骨精华, 面条弹牙有劲, 叉烧肉质结实, 好好味~ 可惜份量太少, 真系食咗阵风落肚咁... 漫漫长夜, 点挨?!!
一风堂饺子 -- 皮薄馅靓, 肉味浓郁, 一d油都冇, 好味~
好味系好味嘅, 不过咁就冇咗180蚊... 钱都事少, 食完好似冇食过o野落肚咁先事大... 如果唔系要拿拿声赶番屋企试玩部新相机, 真系会走去食Second Dinner...
.
张贴
