影片
更多
2024-02-25
813 浏览
十分需要检视和加强员工的餐厅！同男朋友今次系第二次帮衬，明明食物质素唔错，食饭时间都唔使等位就决定再食，食完隐隐约约有少少后悔。男朋友嗌咗牛扒配意粉，汤，饮品，都好正常咁样上菜。如果唯一要讲嘅的话，只系个意粉同个牛扒系唔同时间上枱，仲要望落去白烚，十分唔吸引。尼到我点嘅嘢食，出场次序就有啲乱，沙律系主菜同餐汤之后先上。投稿嘅原因有两个，第一系茄汁嘅碟，我嘅主菜同男朋友一样都系有跟薯条，但唯一唔同嘅系我嘅薯条冇茄汁，我见男朋友有点净嘅茄汁，所以冇问职员重新拎过。可能到咗差唔多收工嘅时间？职员想将要嘅碗碟先收起，第一次女员工有问我，我同佢表示左系要嘅，但隔咗5至10分钟佢又再行过嚟望左几秒，一言不发就将只碟收咗。我当时都几愕然，因为我仲食紧，而明明系同一个女员工。。第二系因为我嘅嘢饮，喺离开餐厅前嘅5分钟先上枱。事源系我无意中听到好似嘢饮出错咗枱，所以我就继续食住嘢等，隔咗一阵我有听到员工话士多啤梨缺货，男员工依家出去买，我就唯有耐心继续等。到佢返嚟交交咗俾水吧同事，咁我就谂应该唔系好耐啫。餐厅一直都冇向我交代，而系所有对话都系我自己听返嚟，我亦都冇催促过。到就尼9:30，9:45要离开，
同男朋友今次系第二次帮衬，明明食物质素唔错，食饭时间都唔使等位就决定再食，食完隐隐约约有少少后悔。
男朋友嗌咗牛扒配意粉，汤，饮品，都好正常咁样上菜。如果唯一要讲嘅的话，只系个意粉同个牛扒系唔同时间上枱，仲要望落去白烚，十分唔吸引。尼到我点嘅嘢食，出场次序就有啲乱，沙律系主菜同餐汤之后先上。
投稿嘅原因有两个，第一系茄汁嘅碟，我嘅主菜同男朋友一样都系有跟薯条，但唯一唔同嘅系我嘅薯条冇茄汁，我见男朋友有点净嘅茄汁，所以冇问职员重新拎过。可能到咗差唔多收工嘅时间？职员想将要嘅碗碟先收起，第一次女员工有问我，我同佢表示左系要嘅，但隔咗5至10分钟佢又再行过嚟望左几秒，一言不发就将只碟收咗。我当时都几愕然，因为我仲食紧，而明明系同一个女员工。。
第二系因为我嘅嘢饮，喺离开餐厅前嘅5分钟先上枱。事源系我无意中听到好似嘢饮出错咗枱，所以我就继续食住嘢等，隔咗一阵我有听到员工话士多啤梨缺货，男员工依家出去买，我就唯有耐心继续等。到佢返嚟交交咗俾水吧同事，咁我就谂应该唔系好耐啫。餐厅一直都冇向我交代，而系所有对话都系我自己听返嚟，我亦都冇催促过。到就尼9:30，9:45要离开，所以要买咗单先，仍然我杯嘢饮系未到嘅。买完单冇几耐，我哋终于同男员工表示话杯嘢饮未到，佢就向水吧讲仲争杯嘢饮，水吧同事话已经出咗，佢就好直接咁同返我哋讲话已经出咗啦😅真系拗晒头⋯⋯可能佢都顶唔顺，跟手就已经入咗水吧，即刻整返一杯俾我，虽然系好有心，但真系好难饮⋯⋯意思意思都饮咗几啖先走，毕竟都叫做等咗成晚
除咗我哋有另一台客人同我哋差唔多时间埋单，都仲争嘢饮同甜品未上枱。相信都系好人嘅顾客，相反员工就可能因为不耐烦，而系执枱期间大声呻自己好嬲。因为员工而被耽误嘅餐厅，真系好可惜！
我自己都做过餐饮业，所以见到佢哋嘅狼狈，都唔想加添佢哋嘅忙。但可能只系我一厢情愿😅佢哋并冇系客人嘅角度着想，好人真系唔易做。经验话俾我听，相信改善员工呢间餐厅能够有很大嘅进步。
张贴
