周記醬料

营业中

休息中

以为青山道老街坊菜馆下间周记酱料系 pop up store！？卖酱，皮蛋，凉果，鱼蛋同手打鱼肉烧卖... 见有手打鱼肉烧卖即买黎试下，（$10/5粒）再加咖哩鱼蛋 （$10/10粒）一试之下即被鱼肉烧卖俘虏左，个size大大粒同林记相近，有鱼肉香有微胡椒粉，手打即系手打，肉质烟靭弹牙，发现仲有急冻装（$30/15粒）；咖哩鱼蛋都唔简单，虽然用左陈皮鱼蛋，但佢个咖哩汁先最抢镜，自家咖哩胆，再加上甜酱，沙茶，柱侯就制成这款色香味嘅咖哩汁，真系配咩都好食。原来周记酱料系一个好有历史嘅本土酱料店，专卖酒醋酱菜，凉果及皮蛋等... 总店系长沙湾元州街413号地舖，除左辣椒油，下次一定要试埋佢地嘅其它酱料同皮蛋。