潮庭 (太古城中心)

营业中

休息中

晚晚都出街食, 其實都好傷腦筋, 如果仲要晚晚都食唔同嘅餐廳, 就更加傷上加傷...今晚食乜好呢?!! Honey提議食潮庭...其實潮庭裝修都幾靚, 又坐得幾舒服, 可惜食物唔掂, 所以我地已經好少來...打開餐牌, 潮州菜的選擇已不多, 而且好多款之前都中過伏, 真係揀唔落手... 最後竟然叫咗2樣"是日好介紹", 都唔係潮州菜...臘味炒芥蘭 $98-- 叫咗少油, 但仍然閃令令, 而且張單都無寫少油, 懷疑阿姐無落備註... 芥蘭已削去部份表皮, 質感較平時吃到的為軟, 臘肉8成肥, 膶腸唔香好鹹, 臘腸無味好肥, 唔掂...栗子雞煲 $108-- 勁多栗子, 初時南乳味不足, 食到底部先夠味, 雞胸肉好多, 無味少少o鞋... 唔掂...方魚肉碎粥 $38-- 好好好鹹, 稀流流的, 方魚少得可憐... 唔掂...銀杏綠豆爽 $18-- 有旱味, 完全唔清甜唔清香... 唔掂...銀杏芋泥 $18-- 甜死死甜, OK順滑, OK有芋香... 一切可做得更好... 唔掂...餐前功夫茶無比, 只比了餐後功夫茶, 怕失眠, 淺嚐了1杯, 結果成晚失眠, 仲要胃酸倒流... 好辛