影片
更多
2021-09-27
44 浏览
十二味观塘既裕民坊新开咗好多唔同嘅餐厅，十二味就系其中一间，喺香港已经系唔同地方有分店。呢间个地方几大，座位之间都有空位，坐得舒服。见到比较出名嘅就系酸菜鱼同川菜，门口外面净系摆咗午市餐牌，睇落几抵食，～＄50至$60已经。晚市嘅话就系自己scan QR code喺手机入面睇同落单，个过程都算几方便，而且员工嘅服务态度都唔错。食物选择唔算好多，不过就好啱钟意食辣嘅人，大部份食物都可以拣辣度。。水煮牛肉(HKD148) 一上菜见到个卖相都几吸引，上面见到牛肉同一层辣油之外，仲有好多好多既辣椒同芝麻，闻到已经觉得好辣同好香，好彩只系拣咗小辣。捞一捞个底仲有啲芽菜、青瓜，当然唔少得宽粉。呢几款配料都比较吸味，一开始食啱啱好，如果放阵先食既会有啲咸。啲牛肉份量多同埋够嫩，唔会烂同鞋。。干煸四季豆 (HKD68) 四季豆唔硬，有少少爽口，食落口感啱啱好。加咗榄菜花椒同肉碎去炒，所以辣中带少少麻，会越食越想食，停唔到咁。呢款仲要唔咸，唔配饭就咁食都得。。川香回锅肉 (HKD98) 用咗好多既葱同红椒同青椒去炒猪腩片，算系有肥有瘦，食落几香口，啲葱都炒得好香，如果钟意食葱既都可以食埋佢。。红糖糍杷
观塘既裕民坊新开咗好多唔同嘅餐厅，十二味就系其中一间，喺香港已经系唔同地方有分店。呢间个地方几大，座位之间都有空位，坐得舒服。见到比较出名嘅就系酸菜鱼同川菜，门口外面净系摆咗午市餐牌，睇落几抵食，～＄50至$60已经。晚市嘅话就系自己scan QR code喺手机入面睇同落单，个过程都算几方便，而且员工嘅服务态度都唔错。食物选择唔算好多，不过就好啱钟意食辣嘅人，大部份食物都可以拣辣度。
。
水煮牛肉(HKD148) 一上菜见到个卖相都几吸引，上面见到牛肉同一层辣油之外，仲有好多好多既辣椒同芝麻，闻到已经觉得好辣同好香，好彩只系拣咗小辣。捞一捞个底仲有啲芽菜、青瓜，当然唔少得宽粉。呢几款配料都比较吸味，一开始食啱啱好，如果放阵先食既会有啲咸。啲牛肉份量多同埋够嫩，唔会烂同鞋。
。
干煸四季豆 (HKD68) 四季豆唔硬，有少少爽口，食落口感啱啱好。加咗榄菜花椒同肉碎去炒，所以辣中带少少麻，会越食越想食，停唔到咁。呢款仲要唔咸，唔配饭就咁食都得。
。
川香回锅肉 (HKD98) 用咗好多既葱同红椒同青椒去炒猪腩片，算系有肥有瘦，食落几香口，啲葱都炒得好香，如果钟意食葱既都可以食埋佢。
。
红糖糍杷 (HKD48) 当然要食埋甜品啦最后，系冰粉同呢个中间拣，因为呢款比较方便share。糍杷有８旧，系连埋红糖同黄豆粉一齐上，红糖同黄豆粉既味道同糍杷又几夹，甜甜地又有咬口。
。
人均: $100-$200
📍观塘协和街33号裕民坊YM² 3楼308号舖
张贴
