馬哥孛羅咖啡廳

几个星期前已经book左食buffet，阿妈话朋友介绍几好味，价钱都算几吸引嘅。其实我一入到去已经都几失望，因为款式实在太少了。当然首先系要食返冷盘先啦。三文鱼刺身同油甘鱼刺身，三文鱼都算系几新鲜，油甘鱼就算系一般般啦。之后梗系黎到重点食生蚝啦，今次系澳洲嘅coffin bay嘅！都算系咁啦最初都唔系几新鲜无乜味，但之后食咗几只都有啲鲜甜味，所以总共食咗九只。两只青口算系麻麻哋，实在系冇味。烟三文鱼同芝士嘅饼都系一般货色。炖鸭汤，得个咸字，完全不值一提。总算抢到两三只龙虾都系普通国，啊好似摆咗好耐咁，如果有得食下热嘅龙虾就好啦。肉类一般。最后梗系要食返几球movenpick ，抵番条数。