壽司正 (已結業)

因为同男朋友之前食左个劲唔掂既圣诞自助餐, 决定要补返。我地2个人食左个日本和牛火锅放题, 个半钟任食。我地叫左豆乳汤底, 因为日本和牛任叫, 食完又叫, 一碟有10-14片, 好薄好多雪花, 同百几蚊位o个d系唔同既牛, 比o个d多好多雪花。个汤底好甜, 我地食左好多野, 豆腐卜好好味, d汤既鲜味入晒去, 仲有好多丸同菜任食, 每人200几蚊, 我地食左8碟牛, 回晒本。仲有饮品同甜品可以半价, 我地仲食左个栗子芭菲, 好味既雪糕加埋粟米片既味道好得意。好抵都唔算, 不过至少食得开心。