冒喜 (柏廷坊)

营业中

休息中

跟着朋友揾食一定冇错，今次去到中环!估唔到隐蔽，嘅大厦入边竟然有间咁华丽嘅四川餐厅而且食嘅仲好符合香港嘅OL，好钟意食粉面嘅我见到都心花怒放。餐厅华丽的装修，食着的是四川风味，食法好似我哋香港嘅车仔面咁先拣汤底再拣面底再可以选择想食嘅𩠌菜。今次嘅汤底我拣咗黄金酸菜汤同生椰蕃茄汤，呢个生椰蕃茄汤仲要系新出架。汤底酸的，但系有椰子嘅香味其实好新奇特别。从来没有想像过椰子配蕃茄汤底都比我饮咗一大半。而黄金酸菜汤也是一贯嘅酸菜香气，配面食越食越开胃。𩠌菜拣咗潮汕手搥牛肉丸啦，莴笋啦，黑毛肚啦，娃娃菜啦，五花腩片，鱼腐啦，蟹柳啦同冰豆腐。牛肉丸高质啊食落去鲍汁而且食得出好香牛肉味，感觉到绝大部份都系纯牛肉制成。黑毛肚同冰豆腐都系吸汤的材料，吸晒所有汤汁简直一流。小食拣咗藤椒鱼皮，凉拌嘅嘢冇得输，又香又麻，又有少少辣，鱼皮爽口。到最后食得辣辣地，加多咗杯酸梅青柠乌龙茶。绝对解辣解利。今次嘅体验非常之新奇有趣，而且装修又靓绝对推介。也是幸福的一个午餐。