Dear Lilly (已結業)

住九龙区嘅人好少过海，今晚同老婆去中环食饭，食饭之前去IFC行吓街，想坐低饮杯嘢，食啲小食，搭lift上到顶楼。呢间餐厅装修好靓，如果唔系食晚饭，佢话可以坐到6:30pm还枱。侍应全部都系外籍人士，叫咗两杯饮品同埋松露薯条。连个饮品餐牌都设计过有古典味道。叫咗杯冻咖啡同埋Cranberry juice ，够冻又大杯。薯条系幼薯条，非常香脆，黑松露薯条啲黑松露多到满泻，离远都闻到，而且份量又多。系咁样嘅环境下我同老婆坐咗两个钟，随着时间慢慢入夜，餐厅越嚟越靓，很有古典味道。买单唔使$200 ，喺咁靓嘅装修环境之下享受一个下午，性价比真系高，入夜越来越多去食晚饭嘅情侣。