金妹記大排檔

营业中

休息中

呢晚约咗几个兄弟聚聚旧，食吓大排档咁，一入到去原来系地库嚟，仲以为好热，但放心入边冷气足够，就算人多都唔会觉得焗，入面嘅装修好似旧式大排档，墙壁贴满晒招牌菜单，真系有啲似去咗沙田食陈根记嘅感觉。几个大男人梗系叫返个炒饭食先，打打底。马拉荔枝炒饭，辣辣地，有少少荔枝肉，鸡肉等等炒埋一碟，但越食越辣，为一败笔就系个鸡肉有少少雪藏味⋯不过整体都OK，都有少少镬气，呢度加加分。炸大肠，老实讲，同其他大牌档质素不相伯仲，度度都系差唔多㗎喇，所以都冇乜大期望，主要系用嚟送啤酒，不过我钟意佢够瘦，好憎大肠入边好多肥膏，咬极都唔断好似香口胶咁⋯呢个就唔会啦，佢偏瘦，所以啖啖都脆卜卜。椒盐鲜鱿，四个字，皮薄馅靓，脆粉唔会太多，而且鱿鱼非常新鲜， 十分爽口，椒盐方面唔会话太辣，唔会太咸，味道刚刚好！嚟到主角炸猪手，腌制得非常入味，用嚟送啤酒一流，猪皮炸到脆卜卜，好似薯片咁，一咬就开，毫不拖泥带水！猪手非常淋，又冇筋，唔怪之得咁贵啦送啤酒非常之适合最后食返个虾酱炒通菜，炒得好香，唔系死咸果只，微辣，为呢餐晚饭画上句号。