八月花 (東薈城名店倉)

营业中

休息中

今日去完迪士尼乐园，过咗去东涌city gate 食晚餐，8:15pm处处都要等位企满人，八月花只需要等两张枱，好快就入得。虽然门面比较细，入到去原来好大楼底好高，装潢好细致，有少少古风，灯光都好足够。我们同行四个人，一共叫咗五道菜道。第一道系薰鸭（ 全只），配有八个包。分量十足，鸭肉又滑又香，贴住骨比较薄肉的位置会相对咸啲。但系整体外表，口感，包嘅软硬度都10分满意。第二道菜系山药炒莲藕片，炒嘅火候刚刚好，爽口之余又够淋，入边有黄椒，芦笋，山药，莲藕片。清清甜甜，咸味适中。绝对推介。第三道菜系什菌煲，入边有啲小芦笋，西兰花同埋比较少食到嘅白云耳，意外地爽口，黑木耳亦都好饱满。口感好好，调味适中，云耳入晒味， 好正！第四道菜系豉汁带子蒸豆腐，豆腐好滑，豉汁混合带子同豆腐味道10分好！第五道菜就系龙虾汤泡饭，入边有啲类似蟹肉丝，除咗思苗米，有混合埋邻似蒟蒻的米，有鲜虾，芦笋。龙虾汤好鲜味，食得好舒服，好好味。侍应亦都会帮你分上，可以分到四小碗。总括而言，餐厅环境令人身心食得舒畅，食物质素亦都很高， 10分满意。