影片
更多
2022-05-23
1607 浏览
上年年尾咁啱旧同学约食午餐，就相中当时晌中环新开嘅「PHI Coffee & Pancake」，印象几唔错，反而，家住美孚，「PHI Coffee & Pancake」美孚店却开咗好耐都未有走访过，今日就同朋友嚟试一试。 跟中环店一样，以浅色木系为主调，配以柔和灯光，予人感觉舒服，装修又带点文青风，尤其近门口一排二人矮枱嘅位置，饮饮咖啡，叹件蛋糕，非常写意。 餐厅其实都几深，入到尽头两边都有啲座位，而最神秘喺入面有一个角落，装修成日式嘅榻榻米，绝对可以扮成伪出游。 睇店名都知，咖啡同班戟喺主打，而呢度主要喺卖梳乎厘班戟，除此之外，食物方面都有好多选择，如牛角包、法式吐司、意大利面、主菜类、以及多款蛋糕；而饮品亦都非常多元化、多选择，包括各类意式咖啡、茶品同特饮。 近门口柜台，仲放有一个小小饼柜，有啲松饼、贝高包供应，再睇番餐牌，原来都有介绍吓，喺本地人气面包店Bread Elements所供应嘅烘焙产品。牛油果蟹肉牛角包 $85既然讲到啲烘焙产品咁有来头，就先试上一客咸点嘅牛角包，以牛油果同蟹肉入馔，呢个组合基本上都无得输，仲加只太阳蛋，单喺卖相都已经好吸引。牛角包果然高质素，烘得松脆
跟中环店一样，以浅色木系为主调，配以柔和灯光，予人感觉舒服，装修又带点文青风，尤其近门口一排二人矮枱嘅位置，饮饮咖啡，叹件蛋糕，非常写意。
餐厅其实都几深，入到尽头两边都有啲座位，而最神秘喺入面有一个角落，装修成日式嘅榻榻米，绝对可以扮成伪出游。
睇店名都知，咖啡同班戟喺主打，而呢度主要喺卖梳乎厘班戟，除此之外，食物方面都有好多选择，如牛角包、法式吐司、意大利面、主菜类、以及多款蛋糕；而饮品亦都非常多元化、多选择，包括各类意式咖啡、茶品同特饮。
近门口柜台，仲放有一个小小饼柜，有啲松饼、贝高包供应，再睇番餐牌，原来都有介绍吓，喺本地人气面包店Bread Elements所供应嘅烘焙产品。
牛油果蟹肉牛角包 $85既然讲到啲烘焙产品咁有来头，就先试上一客咸点嘅牛角包，以牛油果同蟹肉入馔，呢个组合基本上都无得输，仲加只太阳蛋，单喺卖相都已经好吸引。牛角包果然高质素，烘得松脆富牛油香，牛油果熟成够透，蟹肉味道咸鲜，夹埋一齐食真喺几滋味，
海鲜烟肉意粉 $92主食就拣咗一客意粉嚟垫垫肚，原本都谂住试个辣蕃茄蟹肉扁意粉，但牛角包拣咗转蟹肉，意粉就选咗海鲜，事后睇番自己先前嘅食评，原本已经试过，哈哈！海鲜就包括青口、蚬肉，如果有埋大虾或带子一类，就更好喇。青口同大蚬入口都算鲜甜，烟肉就带出份咸香感，至于意粉，就煮得咬口，个人就觉得个汁底有点稀，收番厚身啲就一流喇。
提拉米苏梳乎厘班戟 $128嚟得呢度，点可以错过梳乎厘班戟吖，一客有成3大件梳乎厘班戟，再加上正宗手指饼做嘅提拉米苏，外观已经好有睇头。先讲啲梳乎厘班戟部份，煎烘得松软绵绵，空气感强，微微湿润，极有蛋香；而手指饼浸透晒咖啡，湿润可口，忌廉亦打得轻盈不腻，不过，如果加入番马卡风芝士打成嘅忌廉，相信更传神。
提拉米苏梳乎厘班戟
$128
20 浏览
0 赞好
0 留言
伯爵茶鲜奶咖啡 $42甜点就梗喺揾杯咖啡嚟衬一衬，而咖啡中就以鲜奶咖啡喺最心水，虽然杯伯爵茶鲜奶咖啡嘅拉花就欠奉，但冲泡得都唔错，奶泡撞入去咖啡中都好均匀，入口柔滑，醇香嘅咖啡味中渗出清幽嘅伯爵茶香，感觉好平衡，唔似港式鸳鸯咁霸道。
豆花咖啡 $52老友绝对喺出于好奇先拣呢一杯咖啡，送到上嚟，真喺有一杯豆浆加豆乳布甸，仲加咗少少黄糖添，另配一小罂浓缩咖啡，再自行将两者混合。饮落，佢话出奇地无违和感，而且，都几夹，大抵可以想像喺咖啡倒入豆奶，以取代牛奶而已。
再次到访，食物嘅水准依然保持到，尤其份梳乎厘班戟，制作手势无生疏，真喺无咩挑剔位，加上环境唔错，几舒服，店员嘅招呼又好，周末嚟叹吓，确喺几赏心乐事。
张贴
