影片
更多
2022-11-04
516 浏览
好耐冇嚟过西九龙中心揾食喇，八楼美食广场真系越嚟越多嘢食😛。呢日喺旧同事嘅推荐下，就帮衬咗「哈哈韩式炸鸡专门店」。小店主打炸鸡🍗，总共有七款口味选择，另外仲提供少量韩式小食。佢设有一人及二人套餐，一人餐包三件鸡、一个细饭同汽水，价钱相当抵食，又够饱🍱。狂热炸鸡餐($48)，我拎住炸鸡返屋企，沿途被佢嘅香气所吸引。🔥狂热味粉带少少蒜香同辣味，非常惹味。炸鸡肉质保持嫩滑又多汁，而且仲要系无骨，大大啖肉，超正！芝士炸鸡餐($48)，🧀芝士粉咸香浓郁，均匀地洒于炸皮之上。炸皮松脆而唔油腻，同鸡肉紧贴，老实讲质素好过唔少连续店。每份炸鸡均配有几嚿炸年糕，烟烟韧韧，有咬口。酥炸鱿鱼套餐($56)，🦑炸鱿鱼同炸鸡一样出色，炸物嘅炸浆非常重要，小店能够制作出又薄又酥脆嘅炸皮，就自然唔会难食得去边，加上炸皮本身已经有味，唔使沾酱食都OK。鱿鱼自身都唔错，口感弹牙，唔硬又易嚼。卡邦尼饭，味道近似忌廉白汁，有啲洋葱粒、薯仔粒同烟肉粒等🥓，个汁几好，但略嫌少咗啲唔够捞饭。安东鸡饭，安东鸡系韩国嘅地道菜式🇰🇷，酱油味道少甜，香而不浓，而且夹杂多种唔同嘅蔬菜，感觉都几得意。脆薯条(+$20)，🍟薯条廿蚊大大盒，正
好耐冇嚟过西九龙中心揾食喇，八楼美食广场真系越嚟越多嘢食😛。呢日喺旧同事嘅推荐下，就帮衬咗「哈哈韩式炸鸡专门店」。
小店主打炸鸡🍗，总共有七款口味选择，另外仲提供少量韩式小食。佢设有一人及二人套餐，一人餐包三件鸡、一个细饭同汽水，价钱相当抵食，又够饱🍱。
狂热炸鸡餐
$48
31 浏览
0 赞好
0 留言
芝士炸鸡餐
$48
34 浏览
0 赞好
0 留言
酥炸鱿鱼套餐
$56
18 浏览
0 赞好
0 留言
卡邦尼饭，味道近似忌廉白汁，有啲洋葱粒、薯仔粒同烟肉粒等🥓，个汁几好，但略嫌少咗啲唔够捞饭。
安东鸡饭，安东鸡系韩国嘅地道菜式🇰🇷，酱油味道少甜，香而不浓，而且夹杂多种唔同嘅蔬菜，感觉都几得意。
脆薯条(+$20)，🍟薯条廿蚊大大盒，正常水平，不过胜在可以拣味粉，包括狂热、紫菜同粟米浓汤，我要咗后者，有啲似某零食只味。
总括嚟讲，呢间小店有惊喜，炸鸡具水准，色香味俱全，而且性价比高👍。店员几有礼貌，落单后佢叫我等8至10分钟，时间果然控制得啱啱好，抵赞。
张贴
