慢煮工業 (已結業)

朋友相聚，想约个地方坐得舒服、倾下偈、食下好野。餐厅位置虽不近地铁站，但因在太子，亦算方便。先讲食物，食物系好食既，点了三个主食，经典威灵顿牛柳($218)、 黑松露野菌天使面($78)、芝士食肉兽簿饼($88) 。一睇价钱就知唔贵，味道亦好，胜价比颇高。 薄饼有惊喜，底有啲特别，有啲似饼干，但食落烟韧、有咬口。配料有肉酱、芝士，酱汁有酸酸甜甜的味道，成个配搭几夹。威灵顿牛柳个酥皮几香、又唔系好油，磨茹泥好有菇味，唯一系唔多觉有火腿。食物大赞👍🏻，可惜的是环境浪费了。望落装修几靓，有佢既特色。可能因为疫情下、经营艰难，店舖尽量安排多啲人入坐。我今次是订了枱，3人。去到时被安排了一张2人枱。环顾4周，3人都是坐2人枱。5人就坐4人枱。枱与枱之间已经密(我是与另一枱的客人接近背贴背咁坐)，加上overload ，以致人很多，环境好噪，唔大声d都唔系好听到朋友讲乜，感觉好似去左大排档，不过系食西餐。坐位、人数安排，破坏了餐厅整体格调，好好的一间西餐厅变了大排挡，可惜、可惜...如果改善了坐位安排，会是激好评。