東京街日本料理 (西洋菜南街)

营业中

休息中

今日出太子买嘢，然后就入咗东京街食个lunch。午市套餐都几抵食，前菜包括有面豉汤同沙律。面豉汤入面有劲多昆布，仲有豆腐。沙律蔬菜新鲜，仲配有芝麻酱。叫咗一客鳗鱼饭，鳗鱼好厚身，非常肥美，饭嘅份量都劲多，上面配有粟米粒同日本腌萝卜，令人开胃。杂锦刺身定食配白饭卖相已经攞满分。杂锦刺身定食包括有三文鱼、赤身、油甘鱼、章红鱼、八爪鱼、北寄贝同甜虾。三文鱼属于厚切，口感一流。带子味道好鲜甜。甜虾鲜甜得嚟仲几弹牙。呢度嘅午市套餐确系抵食，下次经过都可以再试。