Bistro East

营业中

休息中

餐厅近西湾河码头，成条街都有唔同嘅餐厅，可以话系静中带旺，都几适合知己聚会或者拍下拖。气氛都几唔错，食饱仲可以行吓海旁边。‣ Beef Tartare $208唔好见佢他他好似比较贵，佢嘅份量同一碟主菜冇乜分别，超级多同埋大份。而佢嘅他他系有少少辣，所以食落去嘅时候唔会觉得好腻，就咁食都好清爽，钟意食他他一定要试。‣ Fole Gras $168‼️超级推荐‼️佢啲鹅肝煎得好香，而且都比较少见搭配无花果，但估唔到食落口嘅时候都几惊喜，所以我先会用满满嘅幸福感嚟形容，系口腔剩低嘅只系鹅肝嘅香气，而唔系油腻感。‣ Pork Ribs $228食到呢到其实已经好饱，餐厅普遍啲嘢都比较大份，而猪肋骨两个人分享就啱啱好。薯条都系幼薯，啱晒我嘅口味够晒脆卜卜。而猪肋骨都够晒多肉，食起嚟嘅时候真系爽。‣ Tiramisu $88个Tiramisu系店员即席帮你处理，为食嘅我已经等唔切佢解冻即刻食咗，结果发现都几有惊喜，好似食雪糕咁。至于解冻咗嘅部份亦都好浓奶香同咖啡嘅香味，入口即溶，我自己就建议当雪糕咁样食，真系别有一番风味。